Home / اخبار / ياسين العياري لعبير موسي :ماعادش تجبدلي إسمي لا نطيّحلك قدرك !!!

ياسين العياري لعبير موسي :ماعادش تجبدلي إسمي لا نطيّحلك قدرك !!!



نشر النائب ياسين العياري تدوينة على حسابه الشخصي بالفايسبوك رد فيها على إدعاءات صفحة محسوبة على الحزب الدستوري الحر اتهمته بإدارة صفحة لتشويه عبير موسي الامينة العام للحزب و كان هذا رد ياسين العياري :


 

بعثتلي صحفية هذه الصورة، تسألني عن “تعليقي”. بعد أن ضحكت جدا، حاولت البحث عن هالصفحة متاعي، لم أجد لها وجودا أصلا، لكن هذا لا يمنع كليمتين : شوف يا عبير، قوادة الشعب متاعك، ينجموا يعلموك إنه وقت بن علي يحكم و إنت تزغرط، كنت أكتب من تونس بإسمي و لقبي و صورتي الحقيقيين..

يعني ما خفتش ملي كنت يتذكر اسمه تلعب عليك الدوخة، موش بش نخاف منك انت، كل معاركي أخوضها بوجه مكشوف. عقلية الصفحات المجهولة و ال fake news، عانيت منها كثيرا و خسرت في جرتها كثيرا، و حتى وقتها خضت معاركي بوجه مكشوف.. الي يعملو حاجات هكة مقسومين، بين جماعتك و جماعة البترول، موش عندنا. عقلية “هاني ضحية” و مسكينة و عملولي على دمعتين و على كعبات رميان دهشة، راهي ما توكلش الخبز، موش معايا على الأقل.

الكلام الي ذكروه “مناذليك” يدخل تحت طائلة القانون، سيعاينه عدل منفذ و سأقدم شكاية في الغرض، إن شاء الله ما تخرجش برك إتدمع في الإذاعات وقتها و إلا تجيب بطانية روز و تتكى في المجلس :). لعلمك، ما نغزرلكش، ما نعبركش، بالنسبة لي أقل من أني نركز معاك أو نشوفك أو نقرالك حساب، أنت مجرد مهرج :

ما عملتش صفحات لسيدك للهارب، موش بش نعملها لصناع صناعه. معادش تجبد إسمي، لا نطيحلك قدرك و ألعب دور الضحية و التمسكين بودورو، بعيد عليا!