القصاص في برنامج دليلك ملك.برنامج ترفيهي وزيد هي مجرد لعبة تلفزية ويمكن الواحد يربح منها برشة فلوس… على فكرة اني واحد من الشعب وزي العباد الكل والا قول زي التوانسة الكل .
وما ظاهرلي كان اي تونسي تجيه فرصة كيما هاذي ويرفض. عاد العباد الي يفلموا وزعمة زعمة دازين فيها عباقرة وقاعدين يسبوا فيا وما نعرفش علاش. وقداش لحمي عندهم حلو… هاني امالا بعثت ميساج زي الناس الكل وعديت كاستنق زي الناس الكل.وتقبلت من اللجنة زي المشاركين الي قبلوهم الكل… سبحان في برشة عباد. لو القصاص يشرب شربة مي توة يقولوا علاش هالكازي يشرب.
عاد يكون في علم هالناس راني كنت نايب ومشيت للمجلس واني القصاص وخرجت منه واني القصاص واعتزلت السياسة واني القصاص. الحمد لله لا نهبت ولا سرقت ولا كذبت ولا انتهزت ولا غرني الكرسي ولا حبيته اصلا. سيبوني في حالي الله يرحم والديكم.
وراهو عمري في حياتي لا كرهت حد في الدنيا وحتى الي يكرهوني ديما انقول ربي يسامحهم ويهديهم. وهذا هو…القصاص
ابراهيم القصاص
.