قال أنه هو من أرسل الظروف المسمومة لوجوه إعلامية : أمين الشرميطي يرد على بوغلاب

ردّ لاعب النجم الرياضي الساحلي السابق والمحترف حاليا في نادي ”مومباي سيتي” الهندي أمين الشرميطي على ما وصفها باتهامات ”ملفقة” من طرف أحد المحامين ويُدعى منير بوغلاب.

حيث اتهم بوغلاب الشرميطي بالإرهاب والتورط في إرسل الظروف المسمومة لوجوه إعلامية، من بينها شقيقه محمد بوغلاب، لتصفيتهم، إضافة إلى الاتجار بالبشر “بعد أن رآه يخرج بنتا قاصرا أفريقية من الصندوق الخلفي لسيارته، وفق تعبيره.

واستغرب الشرميطي، في تدوينة نشرها على حسابه على الفايسبوك، من هذه الاتهامات التي يجهل سبب نشرها، داعيا السلط المعنية والفرع الجهوي للمحامين بسوسة إلى فتح تحقيق في الغرض للحدّ من “تجاوزات” المحامي الذي يستعمل القانون لتشويه سمعته، وفق قوله.

وكتب الشرميطي التدوينة التالية:

السيد ‘ المحامي ‘ منير بوغلاب هز روحو و مشى صب شكاية ضدي و يطلب من السلط المعنية و مكافحة الإرهاب في التحري مع شخصي كوني انا هو الإرهابي الي أرسل الظروف المسمومة للوجوه الإعلامية بهدف تصفيتهم والقائمة فيها اخوه الإعلامي الكبير الحالي بقناة الحوار التونسي و اني وصفته بالطاغوت زادة و باش نكمل نصفيه هو حسب كلامه.

يا حمادي بصراحة أبهرتني على حاجتين :

– الأولى انك ما تفرقشي بين message reçu et message envoyé و الي حسب الرسالة في الواتساب انتي الي باعثلي رسالة و انا في جوابي ليك كنت كمستغرب و ما فهمتش فحوى رسالتك

– الثانية اني طلعت ارهابي فاشل كيف فضحتلك كيفاش باش تصير العملية

هذا زادة اني باش نأجر جماعة من جمهور لتوال يعطيوك طريحة و زادة مهدك بسلاح الصيد و انا ما عنديش ههه الظاهر انو شافها في الانستاغرام ?

و شكاية اخرى اني نتاجر في البشر قال شنوة : شوهد امين الشرميطي يخرج في بنت قاصر أفريقية من مال الخلفي لسيارته تقولش عليا وليت مهرب

الغريبة انو في كل شكاية يحب يسترجع اتعابو بما انو محامي و ديما يحب على 2000 دينار و السوم لا نهار تبدل ?

يا حمادي عندك عامين الناس كيف تقوم الصباح تقول يا ربي العمال عليك و انتي كيف تقوم تقول شنية الحكاية الجديدة الي نلفقها لآمين

كانك مريض ربي يفرج عليك و كأني حاجة أخرى لعبرة في الخواتيم كانك في بالك القانون على قرنك راك غالط و كيما قتلي ما نكرهك في روحك و ما نكركرك في المحاكم يقول القايل علاش و الله لا لقيت جواب

الحاصل الرجلة تقلك كيف تكون عندك مشكلة معايا فضها معايا من غير ما تتبلى و تستغل غيابي و تشكي بعائلتي ناقص توا كان صغاري هاذا اذا كنت…

انشاء الله السلط المعنية و الفرع الجهوي للمحامين بسوسة La section régionale des avocats de Sousse

تحل تحقيق في الشي هذا و تحد من مثل تصرفات الأشخاص الي يستعملو في القانون الا لتشويه سمعة الناس و ليس لاسترجاع حقوقهم

الشخص هذا لا يمثل باقي المحامين ( فيهم برشا صحابي و عز ما تعرف )

هذه نقطة من بحر الشكايات الي باش نحكيها سواء باسمه او بإسم زوجته الأستاذة الجامعية في المستقبل