مواطن يروي تفاصيل الاعتداء عليه من قبل كافون و رانيا القابسي والأخيرة ترد..

نشر الخميس 23 أوت مواطن مقيم بفرنسا فيديو أكّد من خلاله أن مغنى الراب كافون و3 من مرافقيه قاموا بالاعتداء عليه و على أشقائه.

كما أشار إلى أن كافون ومرافقيه دخلوا في جدال معه قرب مقر سكناه في أريانة، قبل أن يعودوا لتهشيم سيارته وحاولوا دهس أشقائه حسب تصريحه.

من جهتها ردّت رانية القابسي عن الحادثة عبرتدوينة أرفقتها بفيديو على صفحتها جاء فيها :

— أول حاجة دار بابا و ماما في أريانة الجديدة صلحوا معلوماتكم و أنا ما فيبالي بشيئ أصلا مانيش حاضرة على شيئ أنا وقتها في المنزه 6 في دار ماماتي …
كيف سألت أولاد الحومة و بابا فسرولي شنوة صار.

2–النهج إلي ساكنين فيه دارنا فما جماعة زمقرية ديما في غيبوبة يسكروا في الحومة و يتكيفوا و يعملوا برشة حس و مشاكل مع الجيران الكل ما همش متربيين جملة و للناس الكل تتشكى منهم خاطر يبداوا ماشين جاين بالكرهبة في هاك النهج عيفوهم في حياتهم… حاسبين رواحهم باندية الحومة يتلموا في النهج بالكمشة و ديما منحين مراولهم تحسهم متأثرين بأولاد موفيدة
أنا ما نعرفهمش خاطر أصلا ما نقعدش فيها الحومة أما سألت الجيران و عائلتي بش نفهم يجيوا في صلاعات من فرانسا بالهمجية متاعهم عملوا العار …

3–نهج دارنا ضيق برشة يعدي كرهبة بالسيف … وقفت الكرهبة إلي فيها كافون و صحابي نعرفهم خواتي عندهم قضية في حومتي شافوا حامد بابا ياخي وقفولوا في النهج بش يسلموا عليه و يعيدوا على ماما الفوق في الدار

ياخي وقتها الزمقرية هاذم قرروا بش يتلكشوا على العباد كالعادة قدموا بشماتة بش يحصروهم في النهج … يتكلموا بنطرة و تبوريب و قالوا لإلي يسوق وخر وخر بالكلام الزايد … لا قدروا لا بابا لا جيران لا حد
بالعاني حبوا يتلكشوا كالعادة و سبوا أم إلي السوق ياخي وقتها تقلبت لحكاية
صارت مناوشات و كلام زايد و سبان و ولات ضريبة في الحومة أنا مانيش حاضرة بش نحكيلكم شنوة صار بالضبط
أما قالولي الكراهب الزوز تضروا و البوليسية فيبالهم بإلي صار و تو يتصرف معاهم الحاكم بالقانون يضهر الحق…

4– ماشي يجري واحد فيهم عامل فيديوا كان جاء على حق و كان جاء راجل راهوا قدر بابا أكبر منوا و كان جاء راجل راهوا وقفوا معاه ولاد الحومة
أما هوا الغالط على طول الخط …حب يجيبها باربوا ياخي خانوه ذراعوا طلع يفشفش و يفلم بالفارغ يا بابا شلزك أنت بش مبعد تخرج تتيتم و تلعب دور الضحية و أنت حالتك حليلة ماكل طريحة ماذلك حاسيلوا و نعمبوها لغة الفرنسية إلي كسرتلها كرايمها جبورة مارساي خيييت
كان جيت راجل راك ما تحكيش على بنت حومتك بالطريقة هذيكة المسخة كلوا كذب إلي قلتوا يا كلب …
هوا إلي بدا و شرى الشبوك الله غالب جيت تتجلطم أما غلبوك ما قديتش روحك و ما عاتش تتفرج في أولاد موفيدة عيشك